Авто оношлогоо, засварын тоног төхөөрөмж үйлдвэрлэлээр тэргүүлэгч Launch Tech компанийн азийн бүсийн менежер ноён LuckyTrip Lee Монгол улсад ирж авто засвар, оношлогооны механикуудад зориулж 2019 оны 3-р сарын 25 болон 26-ны өдрүүдэд Launch брэндийн тоног төхөөрөмжүүдийн талаар танилцуулга уулзалт хийлээ.  Монгол улсад авто оношлогооны сканнер хэрэглэгч механик, засварчдад зориулж 3-р сарын 25-ны өдөр ШУТИС-ын МИС-ын лабораторид хийсэн уулзалтаар яагаад авто оношлогооны OBD scanner төхөөрөмж хэрэгтэй болох, тийм төхөөрөмжийг хэн үйлдвэрлэж бүтээдэг, хаанаас тийм төхөөрөмжийг олж авах талаар болон Launch брэндийн Х-431 Pro3 сканнер төхөөрөмжийн тухай болон түүний гол чухал функцүүдийн тухай,  тухайн машиныг оношлох үед тохиолдох саад бэрхшээлийг хэрхэн тухайн төхөөрөмжин дээрээсээ шууд Launch компанийн төв рүү илгээн шийдвэрлүүлэх боломжийг ашиглах гэх мэт маш олон сэдвээр танилцуулгаа хийсэн юм. Мөн танилцуулах уулзалтын дараа механикуудын өөрсдийнх нь төхөөрөмж дээр зөвлөгөө өгөх Х-431 Pro3 сканнерыг автомашинтай холбон механикчдын сонирхсон асуултанд хариулж зарим асуудлыг газар дээрээс нь компанийнхаа төв оффистой шууд холбогдон хариулт өгч шийдвэрлэж байлаа. Харин 3-р сарын 26-ны өдрийн уулзалтыг Монголын Авто Үйлчилгээ Эрхлэгчдийн Холбоо, Авто Тээврийн Үндэсний төв, Альфа Моторс ХХК, Форвард Моторс ХХК-ууд хамтран авто үйлчилгээ эрхлэгчдийн дунд зохион байгуулсан  юм. Энэ уулзалтаар Launch компанийн авто оношлогооны болон бусад авто засварын тоног төхөөрөмжүүдийн талаар танилцуулга хийснээс гадна Форвард Моторс ХХК-аас хэрэгжүүлж буй hybrid автомашины зайг сэргээн засварлаж дахин ашиглах үйл ажиллагааны тухай зэрэг олон сэдвүүдээр танилцуулга хийсэн уулзалт боллоо.

Launch брэндийн авто оношлогооны болон засварын газрын тоног төхөөрөмжүүдийг манай Альфа Моторс ХХК нь Монгол улсад албан ёсны эрхтэйгээр импротлон худалдаалж борлуулалтын дараах үйлчилгээг хариуцан ажилладаг юм. Та бүхэн Launch брэндийн тоног төхөөрөмж сонирхож байвал 70161616 утсаар эсвэл info@alfamotors.mn И-мэйл хаягаар холбогдож болохоос гадна Фэйсбүүкийн Launch Mongolia гэсэн пэйж хуудсаар харилцаж болно.